તાપીમિત્ર ન્યુઝ,સોનગઢ:સોનગઢના ખડીગામની સીમમાં આવેલ ઝાંખરી નદી કિનારે વૃધ્ધ દંપતી પર જીવલેણ હુમલો થયો હોવાનું અથવા એકબીજાને કોઈ હથીયાર વડે માર મારવાના કારણે 60 વર્ષીય આધેડનું સ્થળ પરજ મોત નીપજ્યું હતું જયારે વૃધ્ધાને બેભાન હાલતમાં સારવાર અર્થે ખસેડવામાં આવી હતી. ઘટનાની જાણ પોલીસને થતા સ્થળ પર પહોચી તપાસ હાથ ધરી હતી. મળતી માહિતી અનુસાર સોનગઢ તાલુકાના ખડીગામની સીમમાં આવેલ ઝાંખરી નદી કિનારે છાપરું બનાવી રહેતું વૃધ્ધ દંપતી વસનજીભાઈ કાનજીભાઈ ગામીત (ઉ.વ.60) રહે, ધનમૌલી નિશાળ ફળિયું-સોનગઢ નાઓ તા.26મી ઓક્ટોબર નારોજ સવારે 7:30 કલાકના અરસામાં મૃત હાલતમાં મળી આવ્યા હતા જયારે છનીબેન તે વસનજીભાઈ ગામીત (ઉ.વ.આશરે 55) રહે,ખડીગામ ઝાંખરી નદી કિનારે-સોનગઢ નાઓ બેભાન હાલતમાં સારવાર અર્થે ખસેડવામાં આવી હતી ઘટનાની જાણ પોલીસને થતા સ્થળ પર પહોચી તપાસ હાથ ધરી હતી. પોલીસ સુત્રો અનુસાર વસનજીભાઈ કાનજીભાઇ ગામીત તથા તેની પત્ની છનીબેન ગામીત નાઓ દારૂ પીવાની ટેવ વાળા હોય તેઓ બંને વચ્ચે અવારનવાર ઝગડો થતો હતો તે મુજબ બંને વચ્ચે ઝગડો થવાના કારણે અચાનક ઉશ્કેરાઈ જઈ એકબીજાને કોઈ હથીયાર વડે માર મારવાના કારણે અથવા કોઈ અજાણ્યા ઇસમે તેઓ બનેને કોઈ કારણસર કોઈ હથીયાર વડે મારી નાખવાના ઈરાદે મારમારી કરી વસનજીભાઈ ગામીત ને મૂઢ ઈજા પહોચાડી સ્થળ પર મોત નીપજ્યું હતું જયારે છનીબેન ગામીતને પણ માથામાં ગંભીર ઈજા પહોચાડી મારી નાંખવાની કોશિષ કરી હતી. બનાવ અંગે ઉકાજીભાઈ કાનજીભાઈ ગામીત રહે,ધનમૌલી નિશાળ ફળિયું-સોનગઢ નાઓની ફરિયાદના આધારે સોનગઢ પોલીસ મથકે ગુનો દાખલ કરી આગળની વધુ તપાસ સોનગઢ પોલીસ સ્ટેશનના પીઆઈ સી.કે.ચૌધરી કરી રહ્યા છે.