તાપીમિત્ર ન્યુઝ,વ્યારાઃતાપી જિલ્લાના વ્યારા તથા સોનગઢ નગરપાલિકા વિસ્તારમાં વસવાટ કરતા, મૂળ ગુજરાતના અનુસૂચિત જાતિ (એસ.સી.)ના લાભાર્થીઓ,કે જેમની વાર્ષિક આવક મર્યાદા રૂ.૧,પ૦,૦૦૦/-થી ઓછી હોય, અને સક્ષમ અધિકારી પાસેથી તેમણે જાતિ પ્રમાણપત્ર, વસવાટનો આધાર પુરાવો મેળવ્યો હોય,તથા લાભાર્થીના પોતાના કે તેના પિતાના નામે ખુલ્લો પ્લોટ/જમીન ધારણ કરતા હોય,તો આવા લાભાર્થીઓને ડૉ.આંબેડકર આવાસ યોજનાનો લાભ મળવાપાત્ર થાય છે.આ લાભ મેળવવા ઇચ્છતા અરજદારો નાયબ નિયામક,અનુસૂચિત જાતિ કલ્યાણની કચેરી,જિલ્લા સેવા સદન,બ્લોક નંબર-૬, પ્રથમ માળ,પાનવાડી,વ્યારા (ફોન નંબર ૦૨૬૨૬-૨૨૦૮૬૯)ની મુલાકાત લઇ શકે છે.આ ઉપરાંત આ યોજના અંગેના ફોર્મ રાજ્ય સરકારની વેબસાઇટ www.gswan.gov.in ઉપરથી પણ વિનામૂલ્યે મેળવી શકાય છે.જેની સંબંધકર્તાઓને નોંધ લેવા એક અખબારી યાદીથી જણાવાયું છે.(સાંકેતિક તસ્વીર)