તાપીમિત્ર ન્યુઝ,વ્યારા:તાપી જિલ્લા પંચાયતના સંકલિત બાળ વિકાસ વિભાગ દ્વારા આગામી તા.૨૫-૦૮-૧૯ના રોજ બપોરે ૧૨.૦૦ કલાકે શ્યામા પ્રસાદ મુખરજી હોલ,તરણકુંડ વ્યારા ખાતે  આદિજાતિ વિકાસ,વન,મહિલા અને બાળ કલ્યાણ વિભાગના મંત્રીશ્રી ગણપતસિંહ વસાવાની અદ્યક્ષતામાં  આઈ.સી.ડી.એસ-સી.એ.એસ.અંતર્ગત આંગણવાડી કાર્યકરોને “ટેકનોલોજીથી સજ્જ સ્માર્ટ ફોન વિતરણ” તેમજ પ્રધાનમંત્રી માતૃવંદના યોજના હેઠળ ઉત્કૃષ્ઠ કામગીરી કરનારને પુરસ્કૃત કરવાનો કાર્યક્રમ યોજાશે.ઉલ્લેખનીય છે કે,રાજ્ય સરકાર દ્વારા આઈ.સી.ડી.એસ./સી.એ.એસ. યોજના હેઠળ તમામ આંગણવાડી કાર્યકરોને મોબાઈલ ફોન દ્વારા રજીસ્ટર નિભાવવાના હોય આઈ.સી.ટી-આર.ટી.એમ દ્વારા દરેક મોડ્યુલની અદ્યતન દેખરેખ રાખવા ઉપરાંત વિવિધ યોજનાઓ અંગે સતત માહિતગાર રહે તે હેતુથી આંગણવાડી કર્મીઓને સ્માર્ટ ફોન આપવામાં આવનાર હોવાનું પ્રોગ્રામ ઓફિસર ડૉ.કે.ટી.ચૌધરી દ્વારા જણાવાયું છે.