તાપીમિત્ર ન્યુઝ,નિઝર:નિઝર તાલુકામાં પવન સાથે ધોધમાર વરસાદ પડ્યો હતો,નિઝર તાલુકામાં ગુરુવારના રોજ 7 ઇંચ જેટલો વરસાદ નોંધાયો હતો.વાવીંઝોડા સાથે પડી રહેલ વરસાદને કારણે નિઝર ખાતે આવેલ ગાયત્રી ચોકમાં એક મકાન ધરાશય થયું હતું. ગાયત્રી ચોકમાં રહેતા ધત્તિબેન રોહિદાસ પાટીલ (ઉ.વ.82) (મૂળ રહે,શિરુડ, તા-શાહદા) નાઓ શામજીભાઈ વેડુભાઈ પાટીલના ઘરના ઓટલા પર સૂતા હતા ત્યારે શુક્રવારના રોજ વહેલી સવારે છોટુભાઇ બદુભાઇ પટેલ નાઓના ઘરની જૂના ચણતરવાળી દીવાલ પડતાં ધત્તિબેન પાટીલ નાઓ નીચે દબાય ગયા હતા.જેથી તેમને ગંભીર ઇજા પહોંચતા તેમનું મોત નીપજયું હતું.બનાવ અંગે નિઝર પોલીસે અકસ્માત મોતનો બનાવ રજીસ્ટર કરી આગળની કાર્યવાહી હાથ ધરી છે.