તાપીમિત્ર ન્યુઝ,સોનગઢ:સોનગઢનાં અગાસવાણ ગામે કેલિયા ફળિયામાં રહેતા બિંદુભાઈ વાડીયાભાઈ ગામિત નાઓ તા.૧૯મી જુલાઇના રોજ ફળિયા માંથી ઢોર લઈ પસાર થઈ રહ્યા હતા તે દરમિયાન નારણભાઇ ભૂલાભાઈ ગામિતના ઘર નજીકથી પસાર થતી વેળાએ નારણભાઇ નાઓ ઘરમાંથી લાકડું લઈ બહાર દોડી આવ્યા હતા.અને બિંદુભાઈને જણાવ્યુ હતું કે તું મારી પત્ની સાથે આડો સંબંધ રાખે છે તેમ કહી બિંદુભાઈને માથાના ભાગે લાકડાનો સપાટો મારી દીધો હતો.અને ત્યાર બાદ શરીરના ભાગે લાકડાના સપાટા મારી ઇજા પહોંચાડતા બૂમાબૂમ કરતાં નારણભાઇ ત્યાંથી ભાગી છૂટ્યો હતો.બિંદુભાઈને સારવાર માટે સુરત નવી સિવિલ હોસ્પીટલમાં ખસેડવામાં આવ્યા હતા.બનાવ અંગે સોનગઢ પોલીસે ગુનો રજીસ્ટર કરી આગળની તપાસ હાથ ધરી છે.