તાપીમિત્ર ન્યુઝ,વ્યારા:૨૩-બારડોલી સંસદીય મતવિસ્તારમાં મતદાર તરીકે નોંધાયેલા તથા તાપી જિલ્લાના પોલીસ કર્મચારીઓ અને પોલીંગ સ્ટાફ કે જેઓ લોકસભાની સામાન્ય ચૂંટણીમાં ફરજ બજાવવાના છે એવા અધિકારી/કર્મચારીઓ માટે પોસ્ટલ બેલેટથી મતદાન કરવા નીચે મુજબના સ્થળ,તારીખ અને સમયે મતદાન સુવિધા કેન્દ્રની વ્યવસ્થા કરવામાં આવી છે.૨૩-બારડોલી સંસદીય મતવિસ્તારમાં સમાવિષ્ઠ ૧૫૬-માંગરોળ,૧૫૭-માંડવી,૧૫૮-કામરેજ,૧૬૯-બારડોલી અને ૧૭૦-મહુવા વિધાનસભા મતવિસ્તારના પોલીસ કર્મચારીઓ માટે તા.૧૩/૦૪/૨૦૧૯ના રોજ સવારે ૧૦:૦૦ કલાકથી સાંજે ૦૬:૦૦ કલાક દરમિયાન ઘલુડી પોલીસ હેડક્વાર્ટરર્સ, સુરત ગ્રામ્ય, તા. કામરેજ જિ.સુરત ખાતે પોસ્ટલ બેલેટથી મતદાન કરી શકશે.જયારે તા.૧૫/૦૪/૨૦૧૯ના રોજ ૧૭૧-વ્યારા વિધાનસભા મતવિસ્તાર પોલીસ કર્મચારીઓ માટે મીટીંગ હોલ, પોલીસ અધિક્ષકશ્રીની કચેરી, તાપી-વ્યારા ખાતે તથા નિઝર વિધાનસભા મતવિસ્તાર માટે આર્ટસ્ એન્ડ કોમર્સ કોલેજ, સોનગઢ જિ.તાપી અને મીટીંગ હોલ,મામલતદાર કચેરી, નિઝર જિ. તાપી ખાતે સવારે ૦૯:૦૦ થી સાંજે ૦૬:૦૦ કલાક દરમિયાન પોસ્ટલ બેલેટથી મતદાન કરવામાં આવશે.આ ઉપરાંત ૨૩-બારડોલી સંસદીય મતવિભાગના પોલીંગ સ્ટાફ માટે ટપાલ મતપત્રથી મતદાન કરવા માટે ૧૫૬-માંગરોળ વિધાનસભાના પોલીંગ સ્ટાફ માટે તા. ૧૪/૦૪/૨૦૧૯ના રોજ સવારે ૧૦:૦૦ કલાકથી સાંજે ૦૬:૦૦ કલાક દરમિયાન સરકારી વિનયન અને વાણિજય કોલેજ, વાંકલ, ૧૫૭ માંડવી વિધાનસભાના પોલીંગ સ્ટાફ માટે તા. ૧૪/૦૪/૨૦૧૯ના રોજ સવારે ૧૧:૦૦ થી સાંજે ૦૬:૦૦ કલાક દરમિયાન માંડવી હાઇસ્કૂલ ખાતે ટપાલ મતપત્રથી મતદાન કરવામાં આવશે.૧૫૮-કામરેજ વિધાનસભા મતવિસ્તારના પોલીંગ સ્ટાફ માટે તા. ૧૪મી,એપ્રિલે સવારે ૦૯:૦૦ થી ૧૨:૦૦ અને તા. ૧૫મી, એપ્રિલે બપોરે ૦૨:૦૦થી સાંજે ૦૫:૦૦ કલાક દરમિયાન રામકબીર પ્રાથમિક શાળા હોલ, ખોલવડ, કામરેજ ચાર રસ્તા, તા. કામરેજ, ૧૬૯-બારડોલી વિધાનસભાના પોલીંગ સ્ટાફ માટે તા. ૧૬મી અને ૧૭મી, એપ્રિલે સવારે ૦૯:૦૦ થી સાંજે ૦૫:૦૦ કલાક દરમિયાન ગંગાધરા હાઇસ્કૂલ,ગંગાધરા તા.પલસાણાખાતે,૧૭૦-મહુવા વિધાનસભા મતવિભાગના પોલીંગ સ્ટાફ માટે તા.૧૪/૦૪/૨૦૧૯ના સવારે ૦૮:૩૦ કલાકથી  ૧૨:૩૦ અને બપોરે ૨:૦૩ થી ૦૬:૦૦ કલાક દરમિયાન સરકારી વિનયન અને વાણિજય કોલેજ, કાછલ તા. મહુવા ખાતે પોસ્ટલ બેલેટથી મતદાન કરવામાં આવશે. ૧૭૧-વ્યારા વિધાનસભાના પોલીંગ સ્ટાફ માટે તા.૧૭/૦૪/૨૦૧૯ના રોજ સવારે ૦૯:૦૦ કલાકથી સાંજે ૦૬:૦૦ કલાક દરમિયાન ડૉ. શ્યામાપ્રસાદ મુખર્જી  ઓડિટોરિયમ હોલ, વ્યારા જિ. તાપી અને ૧૭૨-નિઝર વિધાનસભા મતવિસ્તારના પોલીંગ સ્ટાફ માટે તા. ૧૭/૦૪/૨૦૧૯ના રોજ સવારે ૦૯:૩૦ કલાકથી સાંજે ૦૬:૦૦ કલાક દરમિયાન સરકારી વિનયન અને વાણિજય કોલેજ,સોનગઢ જિ.તાપી ખાતે મતપત્ર મતદાનની વ્યવસ્થા કરવામાં આવી હોવાનું નૉડલ ઓફિસર પોસ્ટલ બેલેટ અને જિલ્લા પુરવઠા અધિકારી શ્રીમતી નૈતિકા પટેલ દ્વારા જણાવાયું છે.