મૂળ ઉત્તરપ્રદેશ રાજ્યના કાનપુર જિલ્લાનો વતની અખિલ વેદપ્રકાશ અગ્નિહોત્રી (ઉ.વ.૨૦) હાલમાં દેલાડ ગામની સીમમાં યોગી એસ્ટેટમાં આવેલા માધવ એન્ટરપ્રાઈઝ નામની ફેક્ટરીના ધાબા ઉપર બનાવેલા રૂમમાં રહી ત્યાં મજૂરી કામ કરતો હતો. જોકે ગત તારીખ ૧૩નાં રોજ સાંજે ૪:૪૫ કલાકે અખિલ તેની રૂમમાં પંખા સાથે કાપડ વડે ગળે ફાંસો ખાધેલી મૃત હાલતમાં મળી આવ્યો હતો. આ બાબતે સુરત શહેરનાં કતારગામ વિસ્તારમાં લૂમ્સ મશીન ચલાવતા મૂળ ઓરિસ્સા રાજ્યના કૈલાશચંદ્ર શ્યામ નાહકે સાયણ આઉટ પોલીસચોકીમાં જાણ કરી હતી. પોલીસે લાશનો કબજો લઈ સાયણ ખાતેના સરકારી દવાખાનામાં લાશનું પીએમ કરાવ્યું હતું. ઘટના અંગે પોલીસે હાલ તો અકસ્માત મોતનો ગુનો નોંધી વધુ તપાસ હાથ ધરી હતી.