ડાંગ જિલ્લાના સુબીર તાલુકાના ધુલદા ગામના કારબારી ફળીયાના રહીશ અનાજુભાઈ ઈન્દુભાઈ લોખંડેનો દિકરો સતીષભાઈ અનાજુભાઈ લોખંડે (ઉ.વ.૧૯) તારીખ ૨૫ના રોજ તેમના મિત્ર આશિષભાઇ કપિલભાઈ ધુલુમ (રહે.ધુલદા) સાથે બાઈક લઈને વ્યારાના લખાલી ગામે આવેલ ઉત્તર બુનિયાદી આશ્રમશાળા ખાતે જવા નીકળેલા હતા. ત્યારબાદ ઘરે જતી વખતે બાઈક મિત્ર આશિષભાઇ હંકારતા હતા તે દરમિયાન ઝાંખરી ગામમાં ગેટ ફળિયાના વળાંકમાં આવતા અચાનક ટ્રકના ચાલકે બાઈકને અડફટે લેતા બાઈક પાછળ બેસેલા સતિષભાઈ રોડ ઉપર પટકાયા હતા અને ગંભીર ઈજા થતા સ્થળ ઉપર તેમનું મોત થયું હતું. મિત્ર આશિષભાઇને શરીરે ઓછીવત્તી ઈજા થઈ હતી.