કામરેજનાં થારોલી ગામે આશરે ૨૩થી ૨૭ વર્ષીય અજાણ્યો યુવક લીમડાના ઝાડ સાથે ગળે ફાંસો ખાધેલી હાલતમાં મળી આવતા કામરેજ પોલીસ મથકે ગુનો નોંધાયો હતો. સુત્રો પાસેથી પ્રાપ્ત માહિતી અનુસાર, કામરેજ પોલીસની હદમાં થારોલી ગામની સીમમાં અજીતભાઈ નગીનભાઈ પટેલના ખેતરમાં આવેલા લીમડાના ઝાડ સાથે એક અજાણ્યા યુવકની ફાંસો ખાધેલી લાશ લોકોએ જોઈ હતી. જેની જાણ ગામમાં થતા અન્ય લોકો સ્થળ પર દોડી આવ્યા હતા. આ યુવક અજાણ્યો જણાતા લોકોએ કામરેજ પોલીસને જાણ કરી હતી. પોલીસે ઘટના સ્થળે પહોંચી આશરે ૨૩થી ૨૭ વર્ષની વયના અજાણ્યા યુવકની લાશ કબ્જે કરી તપાસ હાથ ધરી હતી.