સુરતનાં માંડવી તાલુકાનાં કોસાડી ગામમાં પ્રેમ પ્રકરણને લઈ એક યુવકે આત્મહત્યા કરી લીધી હતી. મળતી માહિતી મુજબ, ૨૨ વર્ષીય વિકાસસિંગ મુટરૂસિંગ નામનો યુવક કોસાડી ગામમાં ચાલતા બ્રિજનાં બાંધકામ સાઇટ પર કામ કરતો હતો. જોકે ગત તારીખ ૧૪મી ડિસેમ્બરનાં રોજ બપોરના સમયે તે તેની પ્રેમિકા સાથે મોબાઈલ ફોન પર વાતચીત કરી રહ્યો હતો. તે સમયે તેમની વચ્ચે કોઈ વાતને લઈને ઝઘડો થયો હતો. ત્યારબાદ ગુસ્સામાં આવીને વિકાસસિંગે પોતાનો મોબાઈલ ફોન તોડી નાખ્યો હતો. આ ઘટનાથી તેને માનસિક આઘાત લાગ્યો હતો અને તેણે ગામની સીમમાં આવેલા એક જંગલી ઝાડ ઉપર નાયલોનની દોરી બાંધી ગળે ફાંસો ખાઈ લીધો હતો. બનાવની જાણ થતાં માંડવી પોલીસે ઘટના સ્થળે પહોંચી તપાસ હાથ ધરી હતી.