તાપી જિલ્લા એસ.ઓ.જી.એ ઉચ્છલ પોલીસ સ્ટેશન વિસ્તારમાં ગત તારીખ ૧૪ના રોજ પેટ્રોલીંગમાં હતા તે દરમ્યાન એસ. ઓ.જી. શાખાના આનંદજીભાઈ ચેમાભાઈને ખાનગી રાહે બાતમી મળી હતી કે, બારડોલી ટાઉન પોલીસ સ્ટેશનના ડ્રગ્સ હેરફેરના ગુનામાં સંડોવાયેલો આરોપી ગોપાલ આનુભાઇ વસાવા (ઉ.વ.૨૪., રહે.સયાજીગામ, કાથુડ ફળીયું, તા.ઉચ્છલ) છેલ્લા ત્રણ માસથી વોન્ટેડ છે. તે ઉચ્છલ તાલુકાના ધારેશ્વરના વિસ્તારમાં જોવા મળ્યો છે. જેથી એસ.ઓ.જી.એ ધારેશ્વર વિસ્તારમાં તપાસ કરી ધારેશ્વર પાટીયા પાસેથી આરોપીને ઝડપી પાડી આગળની વધુ કાર્યવાહી માટે ઉચ્છલ પોલીસ સ્ટેશનને સોંપ્યો હતો.​