મનિષા એસ. સુર્યવંશી/તાપી : તાપી જિલ્લાનાં ઉકાઈ પોલીસ સ્ટેશનમાં ખૂનની કોશિષનાં ગુન્હામાં નાસતા ફરતા વોન્ટેડ આરોપીને મહારાષ્ટ્ર રાજ્યનાં અક્કલકુવા ખાતેથી ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૨૦/૧૦/૨૦૨૪નાં રોજ પેટ્રોલીગમાં હતા. તે દરમિયાન અ.હે.કો. જયેશભાઈ લીલકીયાભાઈ તથા અ.પો.કો. રવીન્દ્રભાઈ મહેન્દ્રભાઈ નાઓને ખાનગી રાહે મળેલ બાતમીનાં આધારે, મહારાષ્ટ્ર રાજ્યનાં અક્કલકુવા ખાતેથી ઉકાઈ પોલીસ સ્ટેશનમાં ખૂનની કોશિષનાં ગુન્હામાં નાસતા ફરતા વોન્ટેડ આરોપી રાજેશસિંગ ઉર્ફે રાજુ સેવાસિંગ શિખલીકર (શીખ) (ઉ.વ.૩૩., રહે.અક્કલકુવા સોરાપાડા, તા.જી.નંદુરબાર, મહારાષ્ટ્ર)ને ઝડપી પાડી આગળની વધુ કાર્યવાહી માટે ઉકાઈ પોલીસ સ્ટેશન ખાતે સોંપવામાં આવ્યો હતો.