મનિષા એસ. સુર્યવંશી/તાપી : સુરત ગ્રામ્ય જિલ્લાની માંડવી પોલીસ સ્ટેશનમાં જાહેર સુલેહ શાંતિ ભંગ વિરુદ્ધનાં ગુન્હામાં છેલ્લા ૨ વર્ષથી નાસતા ફરતા વોન્ટેડ આરોપીને વ્યારાનાં સ્ટેશન રોડ પરનાં નવા બસ સ્ટેશનની સામેના રોડ ઉપરથી ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૦૫/૧૦/૨૦૨૪નાં રોજ ખાનગી વાહનમાં પેટ્રોલીગમાં હતા. તે દરમિયાન અ.પો.કો. ધનંજયભાઈ ઈશ્વરભાઈ તથા એલ.સી.બી.નાં પો.કો. અરૂણભાઈ જાલમસિંહ નાઓને ખાનગી રાહે મળેલ બાતમીનાં આધારે, વ્યારાનાં સ્ટેશન રોડ પરનાં નવા બસ સ્ટેશનની સામેના રોડ ઉપરથી સુરત ગ્રામ્ય જિલ્લાની માંડવી પોલીસ સ્ટેશનમાં જાહેર સુલેહ શાંતિ ભંગ વિરુદ્ધનાં ગુન્હામાં છેલ્લા ૨ વર્ષથી નાસતા ફરતા વોન્ટેડ આરોપી નારસીંગ સુરતીભાઈ વસાવા (ઉ.વ.૪૫., રહે.સામરકુવા, સરા ફળિયું, તા.સોનગઢ, જિ.તાપી)ને ઝડપી પાડી આગળની વધુ કાર્યવાહી માટે વ્યારા પોલીસ સ્ટેશને સોપવામાં આવેલ હતા.