વલસાડ જિલ્લાના પારડીના ટુકવાડામાં ચાલીમાં રહેતી જુહીને મળવા વાપીના ચલા ખાતે ચાલીમાં રહેતો કુંદન શાહ રવિવારે આવ્યો હતો. રૂમ બંધ હોવાથી કુંદને એક રહીશને રૂમ કેમ બંધ છે. એમ પુછતા શખ્સે તમે કોણ છો અને જુહીનુ શું કામ છે. તે કહેતા ઝઘડો કરી એરગનથી ફાયરિંગ કરતા લોકોમાં દોડધામ મચી ગઇ હતી.

લોકોએ કુંદનને પકડી પાડી પોલીસને હવાલે કયોઁ હતો. પોલીસે કુંદનની ધરપકડ કરી ગુનો દાખલ કયોઁ હતો. રાત્રિના પોણા બાર વાગ્યે મોહનભાઈની ચાલીમાં રહેતી જુહીદેવી પટેલનો રૂમ બંધ હોવાથી એક ઈસમ કુંદન યોગેન્દ્ર શાહે અન્ય ભાડુઆત ને જુહીનો રૂમ કેમ બંધ છે તેમ પૂછતા તેણે તમે કોણ છો અને જુહીનું શું કામ છે મને ખબર નથી રૂમ કેમ બંધ છે, તેમ જણાવતા યુવાન એ બોલાચાલી કરી હતી. જે બાદ રાકેશ સાથે રહેતા દિનેશ પટેલ સ્થળ પર આવી પહોંચ્યો હતો. અને તેઓને ડરાવવા માટે કુંદને એરગનનું ટ્રીગર દબાવી ફાયરિંગ કર્યું હતું.પોલીસે આરોપી કુંદન યોગેન્દ્ર શાહ ની ધરપકડ કરી ગુનો દાખલ કરી કાયદેસરની કાર્યવાહી હાથ ધરી છે.