વાપી ટાઉન પોલીસે કબ્રસ્તાન રોડ સ્થિત આઝાદ શટર પાસે આવેલ માં કિરાણા સ્ટોર્સમાં પહોંચતા દુકાનદાર મોબાઇલમાં કંઇક રમતો હોવાનું દેખાઇ આવતા પોલીસે તેને પકડી મોબાઇલમાં ચકાસણી કરતા આરોપીએ ઓનલાઇન ક્રિકેટ સટ્ટા બેટીંગના નીકળતા ભાવ ઉપર ઓનલાઇન ક્રિકેટ સટ્ટા બેટીંગનો રૂપિયા વડે હારજીતનો જુગાર રમાડે છે.

તેમજ રૂપિયા 10,000/-ની પેટા આઇડી લઇને તેના ઉપર ઇન્ડિયા અને ઓસ્ટ્રેલીયા તેમજ બીજી મેચ ઉપર ઓનલાઇન નીકળતા સટ્ટાનાં ભાવ ઉપર જુગાર રમતા હોવાનું બહાર આવ્યું હતું. પોલીસે આઇડી આપનારા આરોપી પરમજીતને વોન્ટેડ જાહેર કરી આરોપી દુકાનદાર રાજુ મુસદ ગીલાણી (રહે.એપલ પાર્ક એપાર્ટમેન્ટ, કબ્રસ્તાન રોડ, વાપી) નાને પકડી પાડી આગળની કાર્યવાહી હાથ ધરી હતી.