એલ.સી.બી તથા પેરોલ ફર્લો શાખાનાં માણસો નાસતા ફરતા આરોપીઓને પકડી પાડવા માટે અલગ અલગ ટીમો બનાવી પેટ્રોલીંગમાં હતા. તે દરમિયાન એલ.સી.બી. શાખાનાં માણસોને સંયુક્ત રાહે બાતમી મળી હતી કે, વલસાડ ટાઉન પોલીસ સ્ટેશનનાં પ્રોહી.નાં ગુનામાં નાસતો ફરતો વોન્ટેડ આરોપી નામે રોહીત ઉર્ફે ટાલો ગણેશભાઇ ધોળી (રહે.ટંકરવાડા, તા.તલાસરી, જિ.પાલગર, મહારાષ્ટ્ર) નાઓ કઠોદરા ખાતે અમદાવાદ મુંબઈ હાઈવે નંબર-48 ઉપર રોડ મારૂતી સ્વીફટ ગાડી નંબર GJ/05/RM/4865 લઇને ઉભેલ છે. જે ઇસમે શરીરે લીલા કલરનું સફેદનું ટી-શર્ટ તથા બ્લુ કલરનું જીંસ પેન્ટ પહેરેલ છે. તેવી ચોક્કસ બાતમી આધારે સ્થળ ઉપર જઇ પકડી પાડી આરોપી વિરૂધ્ધમાં કાયદેસરની કાર્યવાહી કરી આગળની કાર્યવાહી માટે કામરેજ પોલીસ સ્ટેશન ખાતે સોંપવામાં આવ્યો હતો.