વાપીમાં રાત્રે એક મહિલા વકીલનાં ગળામાંથી સોનાની ચેઇન આંચકી બાઈક ચાલક ફરાર થયો હતો. સુત્રો પાસેથી મળતી માહિતી મુજબ, વાપી ટાઉનનાં દેસાઈવાડ ખાતે રહેતા એક મહિલા વકીલ ગુરૂવારનાં રોજ રાત્રીનાં સમયે તેમના ભાઇ-ભાભીનાં નહેરુ સ્ટ્રીટ ખાતેના ઘરે આવી રહ્યા હતા. તે દરમિયાન એક બાઇક ઉપર આવેલા ચોરે અચાનક તેની બાઇક ધીમું પાડી રસ્તે ચાલતી મહિલા વકીલના ગળામાંથી સોનાની ચેઇન આંચકી લીધી હતી. ત્યારબાદ બાઈક ચાલક ભાગી જતા આ મહિલા વકીલે બુમાબુમ કરી હતી. પરંતુ થોડીકવારમાં બાઇક ઉપર આવેલો શખ્સ બાઇક હંકારી ફરાર થઇ ગયો હતો. આ ઘટના અંગે વાપી ટાઉન પોલીસને તાત્કાલિક જાણ કરતા પોલીસે સીસીટીવી ફૂટેજનાં આધારે આગળની તપાસ હાથ ધરી હતી.