વલસાડનાં પારડી પાર નદી એક સ્યૂસાઇટ પોઈન્ટ તરીકે ઓળખાવા માડ્યું છે તેમજ લોકો પાર નદી પર આવી લોકો આપઘાત કરી રહ્યા છે જે ચિંતાનો વિષય બન્યો છે ત્યારે ગતરોજ વધુ એક યુવકે આ પુલ પરથી છલાંગ લગાવી મોતને વ્હાલું કર્યું હતું. બનાવની વિગત એવી છે કે, સ્પેલન્ડર બાઇક નંબર GJ/15/BQ/0866 લઈ વાપી તરફ જતા હાઇવે બ્રિજ પર આવેલા યુવકે પાર નદીના બ્રિજ પર બાઇક મૂકી નદીમાં ઝંપલાવી દીધું હતું.

આ બાબતની જાણ માંગેલા લાઈફ સેવર ટીમને થતાં તાત્કાલિક દોડી જઈ હોડી મારફતે પાણીમાં યુવકને શોધખોળ હાથ ધરી હતી. ઘટનાની જાણ થતાં પારડી અને વલસાડ રૂરલ પોલીસ પણ દોડી આવી હતી. માગેલા લાઈફ સેવરની શોધખોળ દરમિયાન પાર નદીના ઊંડા પાણીમાં યુવકનો મૃતદેહ મળી આવતા બહાર કાઢતા યુવક પારડી તાલુકાનાં સુખલાવ ગામ વચલા ફળિયાનો રહેવાસી તરૂણ રણજીતભાઈ પટેલ હોવાની ઓળખ થઇ હતી. આ બાબતની જાણ તેના પાડોશમાં રહેતા કાકાને થતાં તેવો દોડી આવ્યા હતા. ઘટના અંગે પોલીસે તપાસ હાથ ધરી છે.