વલસાડ સીટી પોલીસ મથકે મહિલા કોસ્ટબલ તરીકે ફરજ બજાવતી મહિલા કોન્ટેબલનું રાતે તિથલનાં દરિયામાં ડૂબી જતા મોત નીપજ્યું હતું. જોકે આ ઘટનાની જાણ સીટી પોલીસની ટીમને થતા સીટી પોલીસની ટીમે તાત્કાલિક ઘટના સ્થળે પહોંચી લાશનો કબ્જો મેળવી આગળની કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, વલસાડ સીટી પોલીસ મથકે પૂજાબેન થોડા સમય પહેલા પોલીસ વિભાગમાં જોડાઈ હતી. જોકે ગતરોજ રાત્રે વલસાડનાં તિથલ બીચ ખાતે ડૂબી જતા તેમનું મોત નીપજ્યું હતું જયારે વલસાડ સીટી પોલીસની ટીમને જાણ થતાં તાત્કાલિક વલસાડનાં તિથલ બીચ ખાતે પહોંચી દરિયામાં ડૂબી ગયેલી પૂજબેનની લાશનો કબ્જો મેળવ્યો હતો અને તિથલ બીચથી લાશનો કબ્જો મેળવી મહિલા WLRPCએ ક્યાં આપઘાત કર્યો કે અકસ્માત છે તે જાણવાના પ્રયાસો હાથ ધર્યા હતા. જોકે પોલીસે પૂજાની લાશનો કબ્જો મેળવી લાશને પીએમ માટે મોકલાવી કામગીરી હાથ ધરી હતી.