ઉમરગામ ગોકુળધામ ગાંધીવાડી ખાતે રહેતા મૂળ યુપીનાં 19 વર્ષીય અવધેશકુમાર વર્માનું રાત્રિના પોણા વાગ્યાના સુમારે ઉમરગામ GIDC બાદશાહ મસાલા કંપનીનાં ટર્નિંગ રોડ ઉપર અકસ્માત થયું હતું. કોઈ અજાણ્યા વાહન ચાલકે મોટરસાયકલને પાછળથી ટક્કર મારતાં અવધેશકુમારને માથાના અને શરીરના ભાગે ગંભીર ઈજા પહોંચતા સ્થળ ઉપર જ મોત નીપજવા પામ્યું હતુ. જયારે અકસ્માત કરી અજાણ્યો વાહન ચાલક ફરાર થઇ ગયો હતો. બનાવ અંગે ઉમરગામ પોલીસ સ્ટેશનમાં ફરિયાદ નોંધાવવા આવી હતી.

જયારે બીજો એક અકસ્માતનો બનાવ વાપીથી મુંબઈ તરફ જતા હાઇવે ઉપર ભિલાડ માર્ગ ઉપર બનવા પામ્યો હતો. ભિલાડ ખાતે રહેતા સચઈ બાઢી કનોજીયા (ઉ.વ.48, મૂળ રહે.યુપી) નાઓને કોઈ અજાણ્યા વાહન ચાલકે અડફેટે લેતા ઘટના સ્થળે જ મોત નીપજવા પામ્યું હતું. બનાવ અંગેની ભીલાડ પોલીસ સ્ટેશનમાં ફરિયાદ નોંધાતા પોલીસે વધુ તપાસ હાથ ધરી હતી.