દમણનાં વરકુંડ ઝાડી અને જંગલ એરિયામાંથી એક મહિલાની હત્યા કરાયેલી લાશ મળી હતી. બનાવ અંગે નાનીદમણ પોલીસે સ્થળ ઉપર પહોંચી જરૂરી કાર્યવાહી કરી હતી. મળતી માહિતી મુજબ, નાની દમણના કચીગામ પટેલ ફળિયાથી વરકુંડ તરફ જવાના માર્ગ ઉપર આવેલા અંતરિયાળ અને જંગલ જેવા વિસ્તારમાં મહિલાની લાશ હોવાની માહિતી નાનીદમણ પોલીસને કરવામાં આવી હતી.

જયારે નાનીદમણના ઇન્ચાર્જ પી.એસ.આઇ. તેમની ટીમ સાથે સ્થળ ઉપર પહોંચીને જરૂરી તપાસ કરતા મહિલાની હત્યા કરવામાં આવી હોવાનું પ્રાથમિક તપાસમાં બહાર આવ્યું હતું. જોકે પોલીસે જરૂરી કાર્યવાહી કર્યા બાદ લાશને મરવડ સરકારી હોસ્પિટલમાં પીએમ માટે મોકલી આપી હતી. જોકે, હજી સુધી મૃતક મહિલાની ઓળખ ન થઇ શકતા હત્યા ક્યા કારણોસર અને કોણે કરી છે એ દિશામાં પોલીસે તપાસ હાથ ધરી છે.