પારડી તાલુકાનાં પરિયા વેલવાગડ ભૂમિહીન ફળિયા ખાતે રહેતી ગુણવંતીબેન અશોકભાઈ પટેલ (ઉ.વ.18) પોતાના ઘરે ગત રાત્રે અગમ્ય કારણસર ઝેરી દવા પી આત્મહત્યાનો પ્રયાસ કરી દીધો હતો. જોકે ઝેરી દવા પીધા બાદ તેની તબિયત લથડતા પરિવારજનો તેને તાત્કાલિક સારવાર માટે પારડી રેફરલ હોસ્પિટલ ખાતે લઈ ગયા હતા.

જ્યાં તેને વધુ સારવારની જરૂર પડતા ગુણવંતીબેનને 108 એમ્બ્યુલન્સ મારફતે વલસાડ સિવિલ હોસ્પિટલ ખાતે બેભાન હાલતમાં ખસેડવામાં આવી હતી. બનાવ અંગેની જાણ સિવિલ હોસ્પિટલનાં તબીબે પારડી પોલીસને કરવામાં આવી હતી. આ 18 વર્ષ યુવતીએ કયા કારણસર આ પગલું ભર્યું જે હજી રહસ્ય અકબંધ રહેવા પામ્યું છે.