બગવાડા હાઇવેથી ડાક પાર્સલ લખેલા ટેમ્પામાંથી LCB પોલીસે રૂપિયા 8 લાખના દારૂ સાથે 3ની ઈસમોની ધરપકડ કરી હતી. મળતી માહિતી અનુસાર, LCB પોલીસને બાતમી મળી હતી કે, બગવાડા હાઇવે પરથી કાર નંબર GJ/15/CJ/3495 અને તેના પાછળ આવતો ડાક પાર્સલ લખેલો ટાટા ટેમ્પો નંબર MH/04/GC/8083 નાને અટકાવી તલાસી લેતા ટેમ્પામાંથી 150 બોક્ષોમાંથી 14260 નંગ બોટલ દારૂ મળી આવ્યો હતો જેની કિંમત રૂપિયા 8,10,000/-નો હતી. આમ પોલીસે ટેમ્પો અને દારૂ તેમજ પાયલોટીંગમાં વપરાયેલી કાર મળી કુલ રૂપિયા 16,31,000/-નો મુદ્દામાલ કબજે લઇ પોલીસે ટેમ્પો ચાલક અર્જુન રામેશ્વર રામ (રહે.ઉત્તર પ્રદેશ) અને પાયલોટિંગ કરતા આસિફ સોકત લખાણી (રહે.વાપી, જગન પાર્ક) અયાઝ ફયાઝ ખાન (રહે.વાપી, ગીતાનગર) નાની ધરપકડ કરી દારૂનો જથ્થો સેલવાસથી આપનાર શિવમ ઉર્ફે સાહીલ નાગેન્દ્ર યાદવ, ભરૂચ ખાતે દારૂ જથ્થો મંગાવનાર સુજત ખાન ઉર્ફે રાજુ પઠાણ ભરૂચ અંકલેશ્વર, શૈલેષ સૈયદ રહે ભરૂચ પાનોલીને વોન્ટેડ જાહેર કરી પારડી પોલીસ મથકે ગુનો નોંધાવી પોલીસે વધુ કાર્યવાહી હાથ ધરી હતી.