વડોદરાનાં તરસાલી વિસ્તારમાં મકાનનાં કમ્પાઉન્ડમાં ગાંજો વાવનાર શખ્સને એસ.ઓ.જી.એ ઝડપી પાડી નાર્કોટિક્સ એક્ટ હેઠળ કાર્યવાહી કરી હતી. સુત્રો પાસેથી મળતી માહિતી મુજબ, તરસાલીનાં નિત્યાનંદ પાર્કમાં એક મકાનમાં ગાંજાના છોડ ઉછેરવામાં આવી રહ્યા હોવાની વિગતોને પગલે એસ.ઓ.જી.ના પી.આઇ. અને ટીમે દરોડો પાડયો હતો. પોલીસને ઉપરોક્ત સ્થળેથી 3 કિલો વજનનાં કુલ 3 છોડ મળી આવ્યા હતા. જેની કુલ કિંમત રૂપિયા 30 હજાર જેટલી થાય છે. જેથી ઉપરોક્ત મકાનમાં ભાડેથી રહેતા મનીષ નાગરભાઈ પટેલ (મૂળ રહે. સામેત્રા ગામ, બહુચરાજી રોડ, મહેસાણા)ની ધરપકડ કરવામાં આવી હતી. ઘટના અંગે પોલીસ આગળની વધુ પૂછપરછ કરવામાં આવી રહી હતી.