છોટાઉદેપુરના કવાટ તાલુકાના મોરાંગણા ગામે રહેતા દીપકભાઈ ચતુરભાઈ રાઠવા વાઘોડિયા તાલુકાના પીપળીયા ગામ નજીક મધુવન ગ્રીન્સમાં છેલ્લા અઢી મહિનાથી રહેવા આવ્યા છે. જયારે દીપકભાઈ સરકારી માધ્યમિક શાળામાં પ્રિન્સિપાલ તરીકે નોકરી કરે છે. અને તેઓ ગત 5મી તારીખે રાત્રે તેઓ પત્ની અને બાળકો સાથે જમીને 11:15 વાગે સૂઈ ગયા હતા સવારે 5:30 વાગ્યે તેઓ ઉઠ્યા ત્યારે નીચેના રૂમની બંને તિજોરીઓ ખુલ્લી હતી અને સામાન વેર વિખેર તેમજ રૂમની બારીનું ગ્રીલ તૂટેલી હતી તેમને ઘરમાં તપાસ કરતા 1.61 લાખના સોના ચાંદીના દાગીના ચોરી થઈ ગયા હતા જે અંગે તેમણે વાઘોડિયા પોલીસ સ્ટેશનમાં ફરિયાદ નોંધાવી હતી.