મનિષા એસ. સુર્યવંશી/વ્યારા : સોનગઢ તાલુકાનાં કુમકુવા ગામનાં પટેલ ફળિયામાં રહેતા જિજ્ઞેશભાઈ મણિલાલભાઈ ગામીત નાઓની સોનગઢનાં સરકારી દવાખાનાનાં કમ્પાઉન્ડનાં પાર્કિંગમાંથી ગત તારીખ ૧૬/૦૩/૨૦૨૩નાં રોજ ૧૬:૦૦થી ૧૬:૩૦ દરમિયાનનાં સમયગાળામાં પાર્કિગ કરેલ મોટરસાઈકલ નંબર GJ/26/D/4737 જેની કિંમત રૂપિયા ૨૦,૦૦૦/- છે જેની કોઈ અજાણ્યા ઈસમે ડુપ્લીકેટ ચાવી લગાવી ચોરી કરી ફરાર થઈ ગયો હતો જે અંગેની ફરિયાદ જિજ્ઞેશભાઈ ગામીત નાએ સોનગઢ પોલીસ મથકે તારીખ ૨૧/૦૩/૨૦૨૩નાં રોજ નોંધાવી હતી.

જયારે બીજા બનાવામાં ઉચ્છલનાં પટેલ ફળિયામાં રહેતા જોહનભાઈ જશવંતભાઈ ગામીત નાઓ તારીખ ૨૦/૦૩/૨૦૨૩નાં રોજ ઉચ્છલ સરકારી હોસ્પિટલમાં પલ્મબરીંગનું કામ કરવા માટે ૧૩:૦૦થી ૧૪:૦૦નાં સમય ગાળામાં આવ્યા હતા. જોકે આ સમયગાળામાં પાર્ક કરેલ હીરો કંપનીની સ્પ્લેન્ડર પ્લસ મોટરસાઈકલ નંબર GJ/26/F/4056 જેની આશરે કિંમત રૂપિયા ૨૦,૦૦૦/-ની કોઈ અજાણ્યો ચોર ઈસમ સ્ટેરીંગ હેન્ડલનું લોક તોડી મોટરસાઈકલ ચોરી કરી ફરાર થઈ જતા ઉચ્છલ પોલીસ મથકે જોહનભાઈ ગામીત નાઓએ મંગળવારનાં રોજ અજાણ્યા ચોર ઈસમ વિરુદ્ધ ફરિયાદ નોંધાવી હતી.