સુરત જિલ્લાનાં કીમનાં ધામરોડ પાસે રિક્ષાનો ચાલક અને તેના સાગરીતે ટ્રક ચાલકનાં હાથમાંથી મોબાઈલ ફોન સ્નેચીંગ કરી ફરાર થઇ ગયા હતા. જે બંને ઈસમો રિક્ષા લઈ કામરેજથી કટોદરા તરફ જઈ રહ્યા હોવાની એલ.સી.બી. પોલીસને બાતમી મળતા નાકાબંધી કરી રીક્ષા ચાલક મોહમદઉમર યાસીન શેખ તથા તેની સાથે રિક્ષામાં બેસેલા મોહમદ સહેજાદ ઉર્ફે પપ્પુ યાસીન શેખને દબોચી લઈ બંનેની તપાસ કરતા સ્નેચીંગમાં ગયેલ મોબાઈલ તથા ખિસ્સા કટીંગ માટે બ્લેડો મળી આવી હતી. આમ, પોલીસે રિક્ષા અને મોબાઈલ કુલ રૂપિયા ૧,૦૬,૫૫૦/-નો મુદ્દામાલ કબ્જે કર્યો હતો.