ડાંગ જિલ્લાનાં સાપુતારાથી શામગહાનને જોડતા રાષ્ટ્રીય ધોરીમાર્ગનાં માલેગામ ઘાટમાર્ગમાં કાચનો જથ્થો ભરેલ ટ્રક પલ્ટી મારી જતાં અકસ્માત સર્જાયો હતો. બનાવની વિગત એવી છે કે, મહારાષ્ટ્રનાં ઔરંગાબાદ તરફથી કાચનો જથ્થો ભરીને એક ટ્રક અમદાવાદ તરફ જઈ રહી હતી.

ત્યારે સાપુતારાથી શામગહાનને જોડતા રાષ્ટ્રીય ધોરીમાર્ગનાં માલેગામ થાટમાર્ગનાં ફોરેસ્ટ રેસ્ટ હાઉસ પાસેનાં વળાંકમાં ચાલકે અચાનક સ્ટેરીંગ પરથી કાબુ ગુમાવી દેતા ટૂંક માર્ગની સાઈડનાં ખાડામાં ખાબકી પલ્ટી મારી ગઈ હતી. આ અકસ્માતનાં બનાવમાં ટ્રંકને અને તેમાં ભરેલો કાચનો જથ્થો તૂટીને વેરવિખેર થઈ જતા લાખો રૂપિયાનું નુકસાન થયું હતુ. બનાવમાં ચાલક અને કલીનરને નજીવી ઈજા થઈ હતી. બનાવ અંગે સાપુતારા પોલીસની ટીમે અકસ્માતનો ગુનો નોંધી વધુ તપાસ હાથ ધરી હતી.