સોનગઢનાં લવચાલી ગામે દેવળ ફળિયામાં રહેતા આકુબ સાકીયાભાઈ ગામીત (ઉ.વ.૩૨)ના ભત્રીજા આયુષ સુનિલભાઈ ગામીત (ઉ.વ.૧૪)ને તાવ આવતો હોવાથી પત્ની સંગીતા સાથે ત્રણેય હોન્ડા એક્ટીવા મોપેડ પર આયુષને લઈને શનિવારે સોનગઢ ખાતે દવાખાને આવવા નીકળ્યા હતા.

તે વખતે મલંગદેવ ઓટા રોડ મેઢા ગામની સીમમાં યામાહા આર-૧ બાઈક પર બે મિત્રો કરૂણ દિલીપભાઈ ગામીત (રહે.હિંદલા ગામ, સોનગઢ) અને યોહાન સુકરીયાભાઈ પવાર (રહે.જામલા ગામ, આહવા)ને લઈને જતા મિત્તલ સુરેશભાઈ ગામીત (રહે.હિંદલા, સોનગઢ)એ ગફલતભરી રીતે બાઈક હંકારી સામેથી એક્ટીવા મોપેડને ટક્કર મારતા ગંભીર અકસ્માત સર્જાયો હતો. જેમાં આકુબ ગામીત અને તેના ભત્રીજા આયુષ ગામીતનું ગંભીર ઈજાને કારણે ઘટના સ્થળ પર મોત નિપજ્યું હતું. જયારે બાઈક ચાલક મિત્તલ સુરેશભાઈ ગામીતને સારવાર માટે સુરત લઇ જતા મોડી સાંજે તેનું પણ મોત થયું હતુ. હાલ ઈજાગ્રસ્ત સંગીતા ગામીત, કરૂણ ગામીત અને યોહાન ગામીત સારવાર હેઠળ હોવાનું જાણવા મળ્યું હતું.