મનિષા એસ. સુર્યવંશી/તાપી : સોનગઢનાં ગોપાલપુરા ગામે વાહન અડફેટે આવતાં અજાણી મહિલાનું ગંભીર ઈજાને કારણે ઘટના સ્થળ પર મોત નિપજ્યું હતું. બનાવ અંગે પોલીસે ગુનો નોંધી વધુ તપાસ હાથ ધરી હતી. મળતી માહિતી મુજબ, સોનગઢ તાલુકાનાં ગોપાલપુરા ગામનાં ચિકારી ફળિયામાંનાં સવિતાબેન બોંદલીયાભાઈનાં ખેતરની સામેથી પસાર થતો સોનગઢ આહવા રોડ ઉપર ગત તારીખ 09/02/2024નાં રોજ મોડી સાંજે એક અજાણ્યા વાહન ચાલક પોતાના કબ્જાનું વાહન પુરઝડપે અને ગફલતભરી રીતે હંકારી લાવી એક અજાણી મહિલાને અડફેટે લઈ અકસ્માત સર્જ્યો હતો.

જોકે આ અકસ્માતમાં મહિલાને ડાબા પગના ઘુટણના નીચેના ભાગે ગંભીર ઈજા પહોંચતા સ્થળ ઉપર મોત નિપજ્યું હતું, જયારે વાહન ચાલક આ અકસ્માત સર્જી પોતાના કબ્જાનું વાહન લઈ સ્થળ ઉપરથી ભાગી છૂટ્યો હતો. અકસ્માત અંગે વિનુભાઈ રામસિંગભાઈ વસાવા (રહે.ગોપાલપુરા ગામ, આશ્રમ ફળિયું, સોનગઢ) નાંએ તારીખ 10/02/2024નાં રોજ સોનગઢ પોલીસ મથકે અજાણ્યા વાહન ચાલક સામે ફરિયાદ નોંધાવતા પોલીસે ફરિયાદ નોંધી આગળની વધુ કાર્યવાહી હાથ ધરી હતી.