કુકરમુંડા તાલુકાનાં મોદલા ગામે દીપડાએ કોઢારમાં ઘૂસીને બે બકરીનો શિકાર કરતા પશુપાલકોમાં ડરનો માહોલ નજીકનાં ગામમાં પણ થોડા દિવસ પહેલા આવો બનાવ બન્યો હોવાથી પાંજરું મુકવાની માંગ થઈ હતી. સુત્રો પાસેથી મળતી માહિતી મુજબ, કુકરમુંડા તાલુકાનાં મોદલા ગામે ગતરોજ વહેલી સવારે ઝાડી ઝાંખરામાંથી શિકારની શોધમાં આવેલા દીપડાએ પશુપાલક ઉદેસીંગભાઈ લાખાભાઈ પાડવીના ઘરના કોઢારમાં બાંધેલી બે બકરીનો શિકાર કર્યો હતો. ત્યારબાદ ફરી દીપડો ફરાર થઈ ગયો હતો. તે દરમિયાન થોડા દિવસ પહેલા નજીકનાં તુલસા ગામે પણ પશુ પાલકને ત્યાં દીપડાએ મૂંગા પશુનો શિકાર કર્યો હતો.