મનિષા એસ. સુર્યવંશી/વ્યારા : કુકરમુંડાનાં બહુરૂપા ગામની સીમમાંથી એક ખેડૂતનાં ખેતરમાંથી અજાણ્યા ચોર ઈસમએ ચોરી કરી ફરાર થયાનો બનાવ પોલીસ મથકે નોંધવામાં આવ્યો હતો. મળતી માહિતી મુજબ, તાપી જિલ્લાનાં છેવાડાનાં કુકરમુંડા તાલુકાનાં બહુરૂપા ગામનાં કાંતિલાલભાઈ સોમજીભાઈ પટેલનાં ગામની સીમમાં આવેલ સર્વે નંબર-117/2/1 વાળા ખેતરમાંથી ગત તારીખ 09/02/2024નાં રોજ નેટાફીમ કંપનીની ટપક પદ્ધતિની ફાયબરની નળીઓનાં બંડલ નંગ 18 જેની કિંમત રૂપિયા 36,000/- અને નેટા ફિટ કંપનીની ફિલ્ટર, વેન્ચુરી જેની કિંમત રૂપિયા 10,000/- મળી કુલ રૂપિયા 46,000/-નો મુદ્દામાલ કોઈ અજાણ્યો ચોર ઈસમ ચોરી કરી ફરાર થઈ ગયો હતો. ચોરી અંગે કાંતિલાલભાઈ પટેલનાંએ તારીખ 10/02/2024નાં રોજ નિઝર પોલીસ મથકે અજાણ્યા ચોર ઈસમ વિરુદ્ધ ફરિયાદ નોંધાવતા પોલીસે આગળની વધુ તપસા હાથ ધરી હતી.