મનિષા એસ. સુર્યવંશી/તાપી : તાપી જિલ્લાનાં ડોલવણ પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપીને વાંકલા ચાર રસ્તા પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો આજરોજ ડોલવણ પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન મળેલ બાતમીનાં આધારે, ડોલવણ પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપી જીતુ જાતરીયાભાઈ ગામીત (ઉ.વ.40., રહે.જામલીયા ગામ, ગામીત ફળિયું, ડોલવણ)ને વાંકલા ચાર રસ્તા પાસેથી ઝડપી પાડી આગળની વધુ કાર્યવાહી માટે ડોલવણ પોલીસ મથકે સોંપવામાં આવ્યો હતો.