મનિષા એસ. સુર્યવંશી/તાપી : તાપી જિલ્લાનાં ઉચ્છલ પોલીસ સ્ટેશનનાં પ્રોહીબિશનનાં ગુન્હામાં નાસતો ફરતો આરોપીને વ્યારાનાં કણઝા ફાટકનાં દાદાજી સર્કલ બસ સ્ટેશન પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ 04/07/2024નાં રોજ વ્યારા પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન મળેલ બાતમીનાં આધારે, ઉચ્છલ પોલીસ સ્ટેશનનાં પ્રોહીબિશનનાં ગુન્હામાં નાસતો ફરતો વોન્ટેડ આરોપી સંજય સોહનલાલ તૈલી (ઉ.વ.28., રહે.પલસાણા, રઘુકુળ રેસિડન્સી, તા.પલસાણા, જિ.તાપી) નાંને વ્યારાનાં કણઝા ફાટકનાં દાદાજી સર્કલ બસ સ્ટેશન પાસેથી ઝડપી પાડી આગળની વધુ કાર્યવાહી માટે વ્યારા પોલીસ મથકે સોંપવામાં આવ્યો હતો.