મનિષા એસ. સુર્યવંશી/તાપી : સુરત જિલ્લાનાં માંગરોલ પોલીસ સ્ટેશનનાં ગુન્હામાં છેલ્લા ત્રણ વર્ષથી નાસતો ફરતો આરોપીને અંધાત્રી ગામનાં પહાડ ફળીયામાં ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો આજરોજ વ્યારા પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન મળેલ બાતમીનાં આધારે, વાલોડ તાલુકાનાં અંધાત્રી ગામનાં પહાડ ફળીયામાંથી માંગરોલ પોલીસ સ્ટેશનનાં ગુન્હામાં છેલ્લા ત્રણ વર્ષથી નાસતો ફરતો આરોપી મેહુલ મહેશભાઈ ચૌધરી (રહે.31., રહે.અંધાત્રી ગામ, તા.વાલોડ, જિ.તાપી)નાંને ઝડપી પાડી આગળની વધુ કાર્યવાહી માટે વાલોડ પોલીસ મથકે સોંપવામાં આવ્યો હતો.