મનિષા એસ. સુર્યવંશી/વ્યારા : સોનગઢ ટાઉન જુના RTO પાસે નેશનલ હાઈવે નંબર-53નાં બ્રીજ નીચે શનિવારનાં રોજ બપોરનાં સમયે દિનેશભાઈ બાબરભાઈ ગામીત (ઉ.વ.45, જમાદાર ફળિયું, સોનગઢ) નાઓ રોડ પાસેથી પસાર થતાં હતા. તે સમયે ટ્રક નંબર GJ/19/V/2450નાં ચાલકે પોતાના કબજાનો ટ્રક પુરઝડપે અને ગફલતભરી રીતે હંકારી લાવી દિનેશભાઈને અડફેટમાં લેતાં અકસ્માત સર્જાયો હતો.

જોકે આ અકસ્માતમાં દિનેશભાઈને મોઢાનાં ભાગે તથા ડાબા પગમાં ગંભીર ઈજાઓ પહોંચી હતી જેથી તેમને સારવાર માટે ખસેડવામાં આવ્યા હતા. જ્યાં ટૂંકી સારવાર દરમિયાન તેમનું મોત નીપજ્યું હતું. બનાવ અંગે લક્ષ્મણભાઈ જી. ભરવાડ (રહે.પંચવટી ફળિયું, સોનગઢ)ની ફરિયાદનાં આધારે ટ્રક ચાલક વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી.