મનિષા એસ. સુર્યવંશી/તાપી : ડોલવણનાં બાગલપુર ગામનાં વાંકલ ચાર રસ્તાથી બાગલપુર ગામ જતાં રોડ ઉપર કાર અને મોપેડ બાઈક વચ્ચે અકસ્માત સર્જાતા ગંભીર રીતે ઈજા પહોંચતા મોપેડ બાઈક ચાલકનું મોત નિપજ્યું હતું. બનાવ અંગે પોલીસે ગુનો નોંધી કાયદેસરની કાર્યવાહી હાથ ધરી હતી.

મળતી માહિતી મુજબ, ડોલવણ ગામનાં નાણી ફળિયામાં રહેતો નીરવ બાબુભાઈ ચૌધરી (ઉ.વ.25)નાંએ બુધવારનાં રોજ રાત્રીનાં સમયે મોપેડ બાઈક નંબર GJ/05/PF/2317 લઈને બાગલપુર ગામ તરફથી ડોલવણ ગામ તરફ આવતો હતો. તે સમયે વાંકલ ચાર રસ્તાથી બાગલપુર ગામ જતાં રોડ ઉપર એક કાર નંબર GJ/19/AA/3221નો ચાલક આશિષ સુરેશભાઈ ગામીત (રહે.બાગલપુર ગામ, તા.ડોલવણ)એ પોતાના કબ્જાની કાર પુરઝડપે અને ગફલતભરી રીતે હંકારી લાવી સામેથી આવતી મોપેડ બાઈકને ટક્કર મારી અકસ્માત સર્જ્યો હતો. જોકે આ અકસ્માતમાં મોપેડ બાઈકનાં ચાલક નીરવને માથાના ભાગે તથા મોઢાનાં ભાગે તેમજ ડાબા પગના જાંઘનાં ભાગે ગંભીર ઈજા પહોંચતા મોત નિપજ્યું હતું. અકસ્માત અંગે સંદીપભાઈ બાબુભાઈ ચૌધરી નાંએ આજરોજ ડોલવણ પોલીસ મથકે કાર ચાલક આશિષ ગામીત સામે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.