મનિષા એસ. સુર્યવંશી/તાપી : સોનગઢનાં સ્ટેશન રોડ ઉપર આવેલ સર્વોદય નગરમાંથી પાર્ક કરેલ મોટરસાઈકલનું લોક તોડી ચોરી કરનાર અજાણ્યા ચોર સામે પોલીસ ફરિયાદ નોંધવામાં આવી છે. મળતી માહિતી મુજબ, સોનગઢનાં સર્વોદય નગરમાં રહેતા વિશાલભાઈ ગોરધનભાઈ ઈટાલીયા (મૂળ રહે.સુકન હાઈટ, વેડ રોડ, સુરત) નાઓ છેલ્લા 11 મહિનાથી બરોડા ગુજરાત ગ્રામીણ બેંક સોનગઢ શાખાનાં મેનેજર તરીકે નોકરી કરી પોતાનું તથા પરિવારનું ગુજરાન ચલાવે છે જોકે તેમને પોતાની પત્ની શ્રધ્ધાબેનનાં નામે અંગત તથા નોકરી પર આવવા જવા માટે એક હોન્ડા સ્પ્લેન્ડર મોટરસાઈકલ નંબર GJ/05/FW/1939 લીધી હતી.

જયારે આ મોટરસાઈકલનું સ્ટેરીંગ લોક કરી પોતાના ઘરની બાજુમાં પાર્ક કરી હતી જે ગત તારીખ 15/07/2023નાં રોજ રાત્રીનાં 22:30થી લઈને તારીખ 16/07/2023નાં રોજ સવારે 6:00 વાગ્યાના દરમિયાન મોટરસાઈકલનું લોક તોડી અથવા ડુપ્લીકેટ ચાવી વડે લોક તોડી મોટરસાઈકલ જેની કિંમત રૂપિયા 25,000/-ને કોઈ અજાણ્યો ચોર ઈસમ ચોરી કરી નાસી છૂટ્યો હતો. બનાવ અંગે વિશાલભાઈ ઈટાલીયા તારીખ 30/07/2023નાં રોજ સોનગઢ પોલીસ મથકે અજાણ્યા ચોર સામે ફરિયાદ નોંધાવતા પોલીસે આગળની વધુ તપાસ હાથ ધરી હતી.