મનિષા સુર્યવંશી/વ્યારા : વ્યારાનાં સીંગી ફળિયામાંથી મકાનની આગળ ખુલ્લી જગ્યામાં જુગાર રમતા ચાર જુગારીઓ પોલીસ રેઈડમાં ઝડપાતા તમામ વિરુદ્ધ કાર્યવાહી હાથ ધરવામાં આવી હતી.મળતી માહિતી મુજબ, તાપી LCB પોલીસ સ્ટાફનાં માણસો શુક્રવારનાં રોજ બપોરનાં સમયે ખાનગી વાહનમાં બેસી વ્યારા પોલીસ સ્ટેશન વિસ્તારમાં પેટ્રોલિંગમાં હતા.

તે દરમિયાન ખાનગી રાહે બાતમી મળી હતી કે, વ્યારાના સીંગી ફળિયાનાં રક્ષાબેન ઠાકરનાં મકાનની આગળ ખુલ્લી જગ્યામાં કેટલાક ઈસમો નીચે બેસી ગોળ કુંડાળું કરી પૈસા પાના વતી હાર જીતનો જુગાર રમે છે. જે બાતમીનાં આધારે પોલીસ સ્ટાફનાં માણસો બાતમી વાળી જગ્યા પર પહોંચી રેઈડ કરતા જગ્યા પરથી કેટલાક ઈસમો ગોળ કુંડાળું કરી હારજીતનો પાના પત્તાનો જુગાર રમતા હોય જેથી પોલીસે સ્ટાફનાં માણસોએ આયોજન પૂર્વક કોર્ડન કરી જુગાર રમતા ચાર જુગારીઓને સ્થળ ઉપરથી ઝડપી પાડ્યા હતા.

ત્યારબાદ પોલીસે ઝડપાયેલ જુગારીઓની અંગજડતી કરતા અલગ-અલગ દરની ચલણી નોટો અને રોકડ રૂપિયા તથા જુગાર રમવા માટેના સાધન સામગ્રી તેમજ 3 નંગ મોબાઈલ મળી કુલ રૂપિયા 11,690/-નો મુદ્દામાલ કબ્જે કર્યો હતો. બનાવ અંગે પોલીસ કર્મચારી વિનોદભાઈ ચૌધરીની ફરિયાદનાં આધારે ઝડપાયેલ ચાર જુગારીઓ વિરુદ્ધ જુગાર ધારાની કલમ હેઠળ ગુનો નોંધી કાર્યવાહી હાથ ધરી હતી.

1.  બંટીસિંહ ખેમસિંહ જાટબ (રહે.સીંગી ફળિયું, વ્યારા),

2. અમિતકુમાર મનોજકુમાર ઠાકોર (રહે.સીંગી ફળિયું, વ્યારા),

3. રવિકુમાર અજયસિંહ જાટબ (રહે.સીંગી ફળિયું, વ્યારા) અને  

4. અંકિતકુમાર સુબેદાર ગૌણ (રહે.સીંગી ફળિયું, વ્યારા)