મનિષા એસ.સુર્યવંશી/વ્યારા : ઉકાઈનાં વર્કશૌપ બજારમાં લીમડાની ઝાડ નીચે ખુલ્લી જગ્યામાં જુગાર રમતા પાંચ જુગારીઓ ઝડપાતા કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, ઉકાઈ પોલીસ સ્ટાફનાં માણસો આજરોજ બપોરનાં સમયે ઉકાઈ પોલીસ સ્ટેશન વિસ્તારમાં પેટ્રોલિંગમાં હતા. તે દરમિયાન ખાનગી રાહે બાતમી મળી હતી કે, ઉકાઈ વર્કશૌપ બજારમાં લીમડાનાં ઝાડની નીચે ખુલ્લી જગ્યામાં કેટલાક ઇસમો ભેગા મળી ગેરકાયદેસર રીતે ગોળ કુંડાળું કરી ગંજી પાનાનો હાર જીતનો જુગાર રમે છે.

જે બાતમીનાં આધારે પોલીસ સ્ટાફનાં માણસો બાતમીવાળી જગ્યાએ પહોંચતા જ્યાં આગળ ખુલ્લી જગ્યામાં પાંચ જુગારીઓ જાહેરમાં ગોળ કુંડાળું કરી જમીન ઉપર પાથરણું પાથરી રૂપિયા વતી હારજીતનો જુગાર રમતા પાંચેય જુગારીઓને કોર્ડન કરી ઝડપી પાડ્યા હતા. જોકે પોલીસે સ્થળ પરથી ઝડપી પાડેલ જુગારીઓના અંગઝડતીનાં રોકડ રૂપિયા તેમજ જુગાર રમવાના સાધનો કબ્જે કરી તમામ વિરુદ્ધ જુગાર ધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી.

1.ગૌરાંગભાઈ અશ્વિનભાઈ પીપરે (રહે.વર્કશૌપ બજાર, ગામ, ઉકાઈ, તા.સોનગઢ),

2.ચેતનભાઇ ભીમરાવભાઈ નેરકર (રહે.વર્કશૌપ બજાર, ગામ, ઉકાઈ, તા.સોનગઢ),

3.પંડિતભાઈ દેવચંદભાઈ ગાયકવાડ (રહે.વર્કશૌપ બજાર, ગામ, ઉકાઈ, તા.સોનગઢ),

4.ભીખનભાઇ બસીરભાઈ ખાટીક (રહે.વર્કશૌપ બજાર, ગામ, ઉકાઈ, તા.સોનગઢ) અને

5.પ્રકાશભાઈ નિમ્બાભાઇ ચૌહાણ (રહે.વર્કશૌપ બજાર, ગામ, ઉકાઈ, તા.સોનગઢ).