મનિષા સુર્યવંશી/વ્યારા : વાલોડનાં દાદરિયા ગામે એલ્યુમિનિયમનાં વિજ તારની કોઈક અજાણ્યા ઈસમે ચોરી કરતા પોલીસે ગુનો નોંધી તપાસ હાથ ધરી હતી. મળતી માહિતી મુજબ, વાલોડ તાલુકાનાં દાદરિયા ગામની સીમમાં ગત તા.12/01/2023નાં રોજ મળસ્કે સાડા ત્રણ વાગ્યાનાં અરસામાં DGCVLની 11 કે.વી. ખાખર ખેતીવાડી ફીડરની એચ.ટી. લાઈનનાં એલ્યુમિનિયમનાં વિજ તાર કોઈક ચીજ વસ્તુથી કાપી આશરે 235 મીટર વિજ તાર જેની કિંમત રૂપિયા 24,470/-ની ચોરી કરી અજાણ્યો ચોર નાશી ગયો હતો. બનાવ અંગે સમીરભાઈ રણજીતભાઈ ચૌધરી (રહે.બાજીપુરા ગામ, હાઈસ્કુલની બાજુમાં, વાલોડ)ની ફરિયાદનાં આધારે વાલોડ પોલીસે ગુનો નોંધી કાયદેસરની કાર્યવાહી હાથ ધરી હતી.