તાપી જિલ્લાનાં ડોલવણ અને વાલોડ તાલુકાનાં ગ્રામ્ય વિસ્તારોમાં છેલ્લાં ઘણાં સમયથી હિંસક દીપડાઓએ રહેણાંક વિસ્તારમાં આતંક મચાવતા લોકોમાં ભયનો માહોલ ફેલાયેલ છે. જેથી ગાંગપુર ગામમાં પાંજરૂ ગોઠવવામાં આવ્યું છે. ડોલવણ તાલુકાનું ગાંગપુર ગામનાં પૂર્ણ નદીનાં કિનારે આવેલ છે. જોકે આ દીપડાઓ રહેણાંક વિસ્તારમાં આવી જાય છે, જેને પગલે લોકોમાં ડરનો માહોલ સર્જાયો છે.

આ હિંસક દીપડો છેલ્લા ત્રણ-ચાર દિવસથી નજરે પડી રહ્યો છે. જેથી બાળકોએ ખેડૂતોએ નીકળવું મુશ્કેલ બન્યું છે. જયારે ગાંગપુર ગામે નવી વસાહત ફળિયામાં દીપડો નજરે પડ્યો હતો. ગાંગપુર ગામના શખ્સે દીપડો જોતા એની જાણ સરપંચને કરતા વન વિભાગને જાણ કરી હતી. આમ વનવિભાગનાં અધિકારીઓ દ્રારા દીપડાને પકડવા માટે પાંજરું ગોઠવવામાં આવ્યું છે.