ડોલવણનાં કાકડવા ગામનાં પટેલ ફળીયાનાં રહીશ ઉદેસિંહભાઈ ફુલજીભાઇ ચૌધરી (ઉ.વ.71) અને તેમના પત્ની ફતુબેન(ઉ.વ.70) નિવૃત્ત શિક્ષકો છે, જોકે તેઓ ગત તારીખ 12/05/2024નાં રોજ બાઈક નંબર GJ/26/P/6834 લઈને વ્યારાથી ઘરે જઈ રહ્યા હતા. તે દરમિયાન વ્યારાથી ઉનાઈ તરફ જવાના રોડ ઉપર પાનવાડી ગામ પાસે ગુલમોહરના ઝાડની ડાળી JCBથી તોડવામાં આવી રહી હતી. જ્યાં આડશ કે સાઈન બોર્ડ મૂક્યા વિના આ કામ કામદારો પાસે કરાવનાર વ્યારાનાં ભરતભાઈ રાણા તકેદારી નહીં રખાતા આ ઝાડની ડાળી બાઈક ઉપર પડતા ફતુબેન રોડ ઉપર પટકાયા હતા અને તેમને માથામાં ગંભીર ઇજાઓ થઇ હતી તથા ઉદેસિંહભાઇને સાધારણ ઈજા પહોંચી હતી. બનાવ અંગે ભરતભાઈ રાણા સહિત બે સામે તારીખ 28/06/2024નાં રોજ વ્યારા પોલીસમાં ફરિયાદ નોંધવામાં આવી હતી.