મનિષા એસ. સુર્યવંશી/વ્યારા : ડોલવણનાં ગડત ગામનાં આંબલી ફળિયામાં અજાણ્યા બાઈક અડફેટે વાંદરદેવી ગામનો ઇસમ ઈજાગ્રસ્ત થયો છે. બનાવ અંગે પોલીસે તપાસ શરૂ કરી હતી. મળતી માહિતી મુજબ, ડોલવણ તાલુકાનાં ગડત ગામનાં આંબલી ફળિયાની હદમાં શુક્રવારનાં રોજ વ્યારા-બેડચીત રોડ ઉપર એક અજાણ્યા બાઈક ચાલક  પોતાના કબ્જાની બાઈક પુરઝડપે અને ગફલતભરી રીતે હંકારી  લઇ આવી

 વ્યારા તાલુકાનાં વાંદરદેવી ગામનાં નિશાળ ફળિયામાં રહેતા છોટુભાઈ ગંછીભાઈ ચૌધરી નાઓની બાઈક નંબર GJ/26/J/7715ને પાછળનાં ભાગે ટક્કર મારી રોડ પર નીચે પાડી દેતા અકસ્માત સર્જાયો હતો. જોકે આ અકસ્માતમાં છોટુભાઈ ચૌધરી નાને જમણા પગે તથા માથાનાં પાછળનાં ભાગે ઈજા પહોંચતા કાન તથા નાકનાં ભાગે ઈજપ પહોંચી હતી. બનાવ અંગે મયંકભાઈ છોટુભાઈ ચૌધરી નાએ ડોલવણ પોલીસ મથકે શનિવારનાં રોજ અજાણ્યા બાઈક ચાલક સામે ફરિયાદ આપતા પોલીસે ગુનો નોંધી કાયદેસરની કાર્યવાહી હાથ ધરી હતી.