મનિષા એસ. સુર્યવંશી/વ્યારા : વાલોડ પોલીસ સ્ટાફનાં માણસો મંગળવારનાં રોજ વાહન ચેકિંગમાં હતા. તે સમય દરમિયાન બુહારી ગામ તરફથી હથુકા ગામ તરફના રસ્તા ઉપર એક મોટરસાઈકલ નંબર GJ/26/M/3652નો ચાલક મયુરભાઈ ઉમેદભાઈ ચૌધરી (રહે.ગોલણ ગામ, ખાખર ફળિયું, વાલોડ) નાએ વગર પાસ પરમીટે દારૂનું સેવન કરી પોતાની કબ્જાની મોટરસાઈકલ નશાની હાલતમાં વાંકી-ચૂંકી તથા પુરઝડપે અને ગફલતભરી રીતે હંકારી લઈ આવતા વાહન ચેકીંગમાં ઝડપાઈ ગયો હતો. બનાવ અંગે પોલીસ કર્મચારી સુધીરભાઈ ગામીતની ફરિયાદનાં આધારે બાઈક ચાલક વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી હતી.