મહારાષ્ટ્રના નવાપુર તરફથી દારૂ લઈને ઉચ્છલ તરફ સ્વીફટ ડીઝાયર આવનાર હોવાની મળેલી બાતમીના આધારે ઉચ્છલ પોલીસે ગત તારીખ ૫ની રાત્રિએ ઉચ્છલના સાકરદા બ્રિજ પાસે અલગ-અલગ ટીમો બનાવી વોચ ગોઠવી હતી. તે દરમિયાન બાતમી મુજબની સ્વીફટ ડીઝાયર કાર આવતા જેને લાઇટ તથા લાકડીના ઇશારા કરી થોભાવવાની કોશિષ કરતા કાર ચાલકે પુરઝડપે કાર હંકારી મુકી હતી.

પોલીસે કારનો પીછો જામકી હોટલ પાસેથી કારને ઝડપી પાડી જેમાંથી પાસ પરમીટ વિનાનો દારૂનો જથ્થો રૂપિયા ૯૪,૫૦૦/- તથા સ્વીફટ રૂપિયા ૩,૦૦,૦૦૦/- તથા બે નંગ મોબાઇલ મળી કુલ રૂપિયા  ૪,૦૨,૫૦૦/-ના મુદ્દામાલ સાથે કૃણાલ સતિષ આહીરરાવ (રહે.ડોડાઈચા, પટેલ કોલોની થાના, જિ.ધુલે), દિગ્વીજયસિંહ વિજયસિંહ દેશમુખ (રહે.ડોડાઈચા, ગણેશ નગર)ની અટક કરી હતી, જયારે ફોરવ્હીલ ચાલક રવિ ગામીત (રહે.સોનગઢ,જિ.તાપી) અને દારૂ જથ્થો ભરી આપનાર દાદા મહાજન (રહે.અશલોદ,શહાદા,જિ.નંદુરબાર), જથ્થો મંગાવનાર પકો (રહે.વાંકલા,તા.ડોલવણ) મળી ત્રણ આરોપીઓને વોન્ટેડ જાહેર કર્યા હતા. બનાવ અંગે ઉચ્છલ પોલીસે ગુનો નોંધી કાર્યવાહી હાથ ધરી હતી.