મનિષા એસ. સુર્યવંશી/વ્યારા : સોનગઢ તાલુકાનાં દોણ ગામનાં ખેકડા ગામથી દોણ ગામ તરફ જતાં રસ્તા ઉપરથી બાઈક પર દારૂનું વહન કરનાર એક ઈસમ ઝડપાતા કાર્યવાહી કરવામાં આવી હતી. સોનગઢ પોલીસ સ્ટાફનાં માણસોને મળેલ બાતમીનાં આધારે શનિવારનાં રોજ સોનગઢ તાલુકાનાં દોણ ગામનાં ખેકડા ગામથી દોણ ગામ તરફ જતાં રસ્તા ઉપર જાહેરમાં જામખડી ગામનાં ભગત ફળિયામાં રહેતો અમિષભાઈ અરવિંદભાઈ ગામીત નાએ પોતાના કબ્જાની બાઈક નંબર GJ/26/AD/0843 પર વગર પાસ પરમિટે ઈંગ્લીશ અને દેશી દારૂની કુલ 54 નંગ બોટલો મળી આવી હતી. આમ પોલીસે દારૂનો મુદ્દામાલ, 1 નંગ મોબઈલ અને બાઈક મળી કુલ રૂપિયા 18,000/-નો માલ કબ્જે કરી ઝડપાયેલ ઈસમ વિરુદ્ધ કાયદેસરની કાર્યવાહી હાથ ધરી હતી.