મનિષા એસ. સુર્યવંશી/તાપી : વ્યારાનાં વેગી ફળીયામાંથી ગેરકાયદેસર રીતે જુગાર રમાડનાર એક ઈસમને ઝડપી પાડી કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી. તથા પેરોલ ફલો સ્કોર્ડ તાપીના માણસો ગતરોજ પેટ્રોલિંગમાં હતા તે દરમિયાન ખાનગી રાહે બાદમી મળી હતી કે, વ્યારાનાં વેગી ફળિયામાં રહેતા ગણેશ બાબુભાઈ ગામીત નાઓ પોતાના ઘરની બહાર બેસી મુંબઈથી નીકળતા વરલી મટકાનાં હારજીતના આંકડા ઉપર જુગાર રમાડે છે.

જે બાતમીના આધારે પોલીસ સ્ટાફના માણસો બાતમીવાળી જગ્યા પર જઈ રેઈડ કરતા ત્યાંથી બાતમીવાળો ઈસમ ગણેશ બાબુભાઈ ગામીત (રહે.વેગી ફળિયું, વ્યારા)ને મુંબઈથી નીકળતા વરલી મટકાનાં જુગારનાં આંકડાઓ પર જુગાર રમાડતા ઝડપી પાડ્યો હતો. ત્યારબાદ પોલીસે સ્થળ પરથી જુગાર રમાડવાના સાધનો જેમાં કાગળ, બોલપેન તથા અલગ-અલગ દરની ચલણી નોટો મળી કુલ રૂપિયા 11,850/-નો મુદ્દામાલ કબ્જે કર્યો હતો. બનાવ અંગે ઝડપાયેલ ઈસમ વિરુદ્ધ જુગાર ધારાની કલમ હેઠળ ગુનો નોંધી આગળની વધુ કાર્યવાહી હાથ ધરી હતી.