મનિષા એસ. સુર્યવંશી/વ્યારા : સોનગઢનાં રૂપવાડા ગામે પરણિત મહિલાને ત્રાસ આપતાં સાસરિયાનાં બે લોકો વિરુદ્ધ ગુનો નોંધવામાં આવ્યો હતો. મળતી માહિતી મુજબ, સોનગઢનાં રૂપવાડા ગામનાં બસ સ્ટોપ ફળિયામાં રહેતી કિંજલબેન સતિષભાઇ ગામીત (ઉ.વ.23, મૂળ રહે.ચાંપાવાડી ગામ, દાદરી ફળીયુ, તા.વ્યારા) તેમના પતિ સતિષભાઈ છગનભાઈ ગામીત અને સાસુ ઇલાબેન છગનભાઇ ગામીત નાઓએ બંને મળી કિંજલબેનને ગાળો આપી અને મારઝુડ કરી અસહ્ય દુ:ખ, શારીરિક માનસિક ત્રાસ આપી હેરાન પરેશાન કરતા હતા. બનાવ અંગે કિંજલબેન ગામીત નાએ મહિલા પોલીસ મથકે ગુનો નોંધાવતા આગળની વધુ કાર્યવાહી હાથ ધરવામાં આવી હતી.