સોનગઢનાં મૈયાલી ગામે રહેતા યુવકની બાઈક ધમોડી ગામે રસ્તામાં ઉભા ડમ્પર સાથે અથડાઈ જતાં  આ અકસ્માતમાં બાઈક ચાલકનું ઘટના સ્થળ પર મોત નીપજ્યું હતું. સુત્રો પાસેથી મળતી માહિતી મુજબ, મૈયાલી ગામે રહેતા અશ્વિનભાઈ જયંતીભાઈ ગામીત નાંઓ જેઓ એમ્બ્યુલન્સ ડ્રાઇવર તરીકેનું કામ કરે છે.

તેમજ ગત તારીખ 13/03/2024નાં રોજ રોજ તેમના કબ્જાની બાઈક નંબર GJ/15/DG/9549  લઈ પોતાના મૈયાલી ગામે ઘરે જઈ રહ્યા હતા. તે સમયે ધમોડી ગામે રસ્તામાં એક ડમ્પર નંબર GJ/21/V/9027 ઊભો હતો અને તેની સાઇડ લાઇટ પણ બંધ હતી તથા રિફેકટર પણ લગાવ્યા ન હોવાથી રાત્રેના સમયે અંધારામાં અશ્વિનભાઈની બાઈક ડમ્પર સાથે અથડાઈ જતાં તેમને ગંભીર ઈજા પહોંચતા અશ્વિનભાઈનું ઘટના સ્થળ ઉપર મોત નીપજ્યું હતું.